有啲朋友聽到我有糖尿病之後，就當正我係專家，係咁問我要驗啲乜先啱。
咁我個醫生都有同我解釋過，重比埋資料我反屋企慢慢睇，我就將佢哋整理一下兼寫埋出嚟，以後邊個再問就叫佢自己睇，順便呃下click rate～
同糖尿病有關的檢查有幾個：
l 糖化血紅素（HbA1c）
血色素是紅血球的其中一種蛋白質，啲葡萄糖就係依附係佢身上咁運行。由於紅血球的平均壽命大概係三個月，所以量度糖化血紅素就可以監察身體過去兩至三個月的平均血糖水平。
理想的糖化血色素應該保持在6.5%以下，超過呢個數值就算是糖尿病。而若果個數值過高就會增加併發症出現的風險，反之如果能夠令糖化血紅素每下降1%，同糖尿病相關的死亡風險就可以降低21%。
l 空腹血糖（FPG）
通常驗糖尿病都係用呢樣去驗，驗之前八個鐘唔食得嘢，如果數值係7或以上，就已經有糖尿病。
l 口服糖耐量測試（OGTT）
即係俗稱的「飲糖水測試」，是世界衞生組織建議的糖尿病診斷標準。檢查前要禁食八小時，先做空腹血糖測試，然後飲一杯含有75克葡萄糖的糖水，2個鐘之後再抽血檢驗。
如果飲糖水後兩小時的血糖值在7.8 至 11mmol/L之間，就會被介定係糖尿病前期階段，如果數值11mmol/L或以上，就會被確診為糖尿病
。
除左呢幾樣之外，醫生都會建議驗埋其他嘢，包括血壓、血脂，重要驗眼、腎功能，同埋做足部檢查，睇下糖尿病係咪已經造成咗破壞呀咁，以便醫生先可以徹底了解糖尿病的情況，建議最適合的治療方案。
