既然糖尿病會帶來好多併發症，當然要好好咁醫啦。
醫生都好坦白咁講，暫時無咩方法可以完全根治糖尿病，但就可以透過改變飲食習慣、控制體重同做多啲運動，再加上藥物的幫助，令到血糖可以返番去正常水平，咁樣就可以保住健康嘞。
醫生唔講我都唔知，用嚟控制血糖的藥有好多種，傳統的降糖藥主要係刺激胰臟分泌胰島素，又或者增加身體對胰島素的敏感度等，去改善血糖水平。至於較新的降糖藥，如二肽基肱IV抑制劑（DPP-IV inhibitor）則是透過抑制腸促胰島素的分解，令身體調節胰島素和胰高血糖素分泌，而達到控糖的效果。
佢話原來近年再有一種新既降糖藥──鈉葡萄糖共轉運體2（SGLT2）抑制劑，就更加用突破性的機制去達到控糖的目的。呢類降糖藥唔使依靠胰島素去產生效用，而是針對專門調節腎臟對葡萄糖再吸收的SGLT2，從而降低腎臟內的葡萄糖回收，幫助將過量的葡萄糖經尿液排走，因此可以有效控制血糖水平。
另外，有啲糖友適合用針劑降血糖藥物，因為在飯前注射，可以更有效控制同平穩血糖水平。
唔同的糖友，用的降糖藥可能會唔同，因為每個人的病況同需要都唔同。
聽聞外國依家研究緊利用胰臟細胞移植的方法去根治糖尿病，但仍然係好初步的研究階段，可能二、三十年後先可以廣泛應用。
咁在未有根治方法之前，食藥，同埋調整下生活習慣，就是最好的控糖方法。
