糖尿病治療新標準:控糖、護心﹑保腎﹑減重

尋日同奶奶飲茶嗰時睇新聞，咁岩講緊糖尿病有上升趨勢呀! 中大有個醫生仲話每4個糖尿病患者中,，有1個就有「糖尿心」或者「糖尿腎」呢啲病，甚至係死亡。唔好嚇我啦... 個心同個腎一變差就番唔到轉頭，我唔想第日要日日洗腎或甚至換腎呀...

話時話，我記得新聞入面有句野都幾順口，話而家糖尿病治療新標準係要「控糖」﹑「護心」﹑「保腎」﹑「減重」。我以為護膚品就要多效，原來而家治療糖尿病個概念都想到咁周全。其實我之前搵糖尿病資料時，都知道糖尿病患者本身個腎功能係會比較差啲，而家連大學醫生都提倡要「保腎」，睇來呢個併發症真係不容忽視。

之前我個靚仔醫生講過我食緊嗰隻適糖達唔止做到最基本嘅控糖效果，亦可以同時「減重」同「護心」。我就唔敢奢望粒藥可以保埋腎，但最起碼唔好傷我個腎呀，所以我今日飲完茶就拿拿臨番屋企上網睇下嗰隻適糖達對個腎有無影響先。好彩我之前做足功課!下面呢段新聞話「恩格列淨」，即係我食緊嗰隻適糖達，原來減少近四成患者引發腎病的風險! 嘩，少四成即係差唔多少左一半機會會有腎臟問題!原來靚仔醫生開隻藥俾我真係做到一粒過「控糖」﹑「護心」﹑「保腎」﹑「減重」咁多功效架喎!

話雖如此，我都唔可以因為食緊隻咁好嘅藥就唔記得糖尿病係同時需要注意飲食同適量運動。其實我日日都係行路去街市，又拿住咁多餸，算唔算係做左運動呢?等我下次又問下靚仔醫生先~

降糖成功，仲減到磅 ! 太感動！

由發現糖尿病到依家都差不多半年，依家我的血糖控制得好不突止，而且仲有另一樣我夢寐以求的好處：我瘦咗呀！而且, 最近兩次我抽血驗血糖都在正常範圍呢！

醫生話係正常的情況，原因是「適糖達」會令腎臟每日排走咗啲糖份，而糖份是熱量，排走咗等於無咗，每日攝取的熱量少咗，咁當然會瘦左啦，食左「適糖達」之後通常會輕2至3kg。另外，如果糖友聽話控制進食量，又做多啲運動，亦都會瘦咗。不過，就千祈唔好因為瘦左又食番多啲嘢啦！

上網搵到呢個圖，講我依家食緊嗰隻Jardiance同其他藥有咩唔同~, 依家整個表出來同大家分享：

口服降糖藥物的分別  ( √ : 有研究實証         X: 沒有研究實証)

藥物		適糖達Jardiance	其他SGLT2 抑制劑 (Forxiga & Invokana)	其他口服 降糖藥物 (Januvia, Onglyza, Galvus, Trajenta, Metformin, etc)
控糖		√	√	√
保腎 - 減少引發新的腎病或其惡化機會 - 減低患者最終須要接受透析治療的機會		√	X	X
護心	降低心血管風險及死亡率	√	X	X 有些更 增加風險
	降低心臟衰竭導致的 住院機率	√	X	X  有些更 增加風險
減重		√	√	X

計一計，「適糖達」每日可以排走大約80克糖，即係大約兩罐可樂咁上下，加埋都有成300卡路里，而3500卡路里就等於一磅，咁即係大約兩個星期到我就減咗一磅啦，咁唔怪得我前後瘦咗差不多兩公斤啦。

不過咁，我之前睇過資料，就算一路繼續食藥，身體係唔會一直咁瘦，通常都係減到體重的3%左右，身體就適應咗，血糖會繼續受控，但體重就不會繼續跌啦。如果係想令啲肥膏消失，咁就要去做多D運動啦！

既然已經瘦咗、長命左，心血管風險又少左，我就一不做二不休，假期迫老公陪我去行山，平日就搵朋友一齊去參加康文署嗰啲羽毛球班、游泳班咁。

一來咁樣健康啲，二來，瘦咗就可以買靚衫啦，靚靚俾老公睇~~~

聽醫生話用藥及改善飲食 可減少併發症

糖尿病可以引起好多唔同的併發症，我上網查到國際糖尿聯盟統計，全球每年約有460萬人死於糖尿病的併發症，即平均約每7秒便有一人死於糖尿病。所以真係唔好睇小呢個病呀~

有左糖尿病，若果血糖長期控制不當，就會引起各種併發症，好似「糖尿心」同「糖尿腎」咁，你都咪話唔驚！怕死的我即刻去搵下可能會有咩併發症，順便copy埋過來share。

原來糖尿病併發症可以分為急性同慢性兩大類：

l   急性併發症

主要是血糖過高或血糖過低，前者多數係因為唔記得食藥，而後者則可能因唔小心食多咗藥或食咗藥但無食飯所致。無論是血糖過高或過低，都可以引起急性併發症，導致患者失去知覺或昏迷，嚴重者重可以致命。

要減低急性併發症發生的機會，糖友就要聽醫生話食藥啦，例如用一啲有提示功能的藥盒，又或寫低用藥記錄，咁就可以減少唔記得同埋食錯藥的情況，依家重有啲手機app可以提醒你食藥，唔識可以搵啲後生幫手dl。如果成日都搞錯，就可能要同醫生傾傾，可能用隻副作用少啲的藥會好啲。

l   慢性併發症

主要是糖尿病控制得唔好，血糖長期過高令血管受到破壞，於是就形成慢性併發症，包括大血管病變，可引起腦栓塞、中風、冠狀動脈栓塞，而小血管病變則則可引起視網膜病變、白內障、青光眼、蛋白尿、腎衰竭及神經病變等，而糖友的抵抗力會較差，容易受細菌感染，男性更可能會出現性功能障礙。

除了控制血糖水平，糖友亦都要監察血壓和血脂，原因係高血壓會對血管內壁構成損害，增加糖友出現血管粥樣硬化，令血管硬化及收窄，誘發心血管疾病發生。而高血壓亦都會加速糖尿腎病及糖尿病視網膜病變等問題。（我照書講架咋！想知詳細啲梗係搵醫生問啦!）

所以控制血壓於理想水平，對糖友嚟講都非常重要。

講左咁耐，搞到各位糖友好似好驚咁!其實要減低併發症，糖友最緊要都係聽醫生話食藥，同埋控制飲食，加埋做多啲運動，咁血糖控制得好，併發症就唔會咁易有。

排糖藥安全性高

藥係用嚟醫病，但都可能帶來一啲問題。咁糖尿病藥又點呢？話晒要成世食，點都係小心啲好。

以我用的「適糖達Jardiance」為例，D資料話呢類藥的副作用較輕，好少會出現低血糖症的情況，但就可以有效降低糖化血紅素水平，令糖友的病情受到控制。

不過，因為尿液有糖份，所以有好細機會有泌尿道同生殖器感染，注意下衞生就可以減低感染。

醫生話，依家本港有三隻SGLT2抑制劑，當中只有「適糖達Jardiance」經臨床研究證實可以有效減低糖尿病相關的心臟病及死亡風險；其餘兩隻的SGLT2抑制劑（Forxiga & Invokana）就未有呢方面的研究實證；之前隻Invokana重發現用左會骨折。

至於舊式的糖尿病藥，有D會引起腸胃不適、嘔心反胃、腹瀉，甚至水腫和體重上升等等。有時更有機會出現低血糖症甚至引致昏迷，所以糖友最好隨身帶一些餅乾及砂糖，一覺得有血糖過低嗰陣就要補充糖份；重要帶埋糖尿病咭，有事醫護人員都知道點搞。

低血糖症對糖友嚟講係一個大問題，徵狀包括冒汗、手震、心跳加速、疲倦乏力、脾氣暴躁甚至神智不清。所以某啲糖友如果有低血糖、體重上升、高血壓等情況，就可能要同醫生傾下，係咪要用一啲唔會咁容易引致低血糖症的降糖藥，例如SGLT2抑制劑咁。

如果出現任何的副作用，當然就要去同醫生講，睇下係咪要調較下藥量或者換藥。藥物要用得其所，先可以做到醫病的效果。希望上面D資料幫到大家啦~

參考資料:

http://www.empowher.com/diabetes-type-2/content/farxiga-dapagliflozin-fda-approved-research-ongoing

http://www.fda.gov/Drugs/DrugSafety/ucm461449.htm

http://www.rawstory.com/2015/10/diabetes-drug-invokana-increases-risk-of-osteoporosis-fda/

糖尿病人日常生活小貼士

有咗糖尿病，日常生活要注意的地方多咗，咁都好，人都健康啲。

我就總結左少少貼士同大家分享下~

1.      自己血糖值自己CHECK

每日或按醫生指示在家「篤手指」，check下空腹血糖值及餐後血糖值，可以幫助了解用的藥夠唔夠效力，同埋有無食多咗。最好做埋記錄比醫生睇，咁樣就幫到醫生更詳細咁評估病況。

2.      健康的飲食習慣

最好定時定量，要均衡及三低一高，即低脂、低鹽、低糖及高纖，最好少啲出去食飯膳。煙同酒都更加唔好掂。

3.      多做運動

每星期進行最少3次、每次半小時的帶氧運動，不但可以消耗過多熱量，控制體重之餘，亦都可以促進胰島素的功能，提高身體對胰島素的敏感度，幫助降低血糖。我個經驗係，唔跑都行下，早兩個站落車，行樓梯唔搭電梯，都係好方法嚟。

4.      小心護理足部

糖友容易出現糖尿腳，所以日常要小心護理，包括要保持雙腳皮膚乾爽，留意是否有損傷，有就要妥善消毒和包紥，如果好耐都未好番就快D睇醫生。避免穿著與腳型不合或太緊的鞋子，以免刮損腳。

5.      定期覆診

由醫生根據糖尿病的病況變化，重要定期抽血化驗，咁就更加一清二楚，有需要時重要驗眼和腎功能等，及早發現病變同治療，就可以避免造成不必要的損害。

6.      保持心境開朗，有足夠的睡眠和休息。

其實，糖友要注意的地方，對一般人都好合用架，例如健康的飲食習慣同埋做多啲運動，就人人都啱使，亦都可以預防糖尿病、高血壓同高血脂等三高疾病埋添身。